雖然現在熱情已經減退,但既然打了repo就post一下
以下是口語的REPO時間
開場前見兩手fing fing去睇con好似唔多好,諗住買把扇應援吓佢
點知去到時已經冇得賣週邊喇喎~咁就算啦,連個天都叫我唔好咁過份 =v=
開場曲《抱いてセニョリータ》,呢首梗係識啦,我哋跳過的!!!
第二首唔記得係咩,第三首唱《青春アミーゴ》,最熟當然係呢首,呵呵
之後d曲順真係記唔到喇,因為佢唱新碟的歌多,加上只係出咗幾日仲未聽得熟...
時間暫且跳到mc時
A.B.C-Z.自介,河合郁人表演模仿,扮咗massu唱miso soup,然後喺觀眾起哄下再扮多次松本潤跳唱《wish》(←呢吓大家有合唱!!究竟睇呢個con嘅人係咩成份呢?不過我作為一非嵐飯都識唱,咁...算了,不要深究 XDD)
其實呢兩個都係老梗,喺少俱睇過好多次了=v=
如果模仿kame同老公咪好囉!我一定會嗌得更落力XD
咁話哂都係山P主場,大家當然起哄要佢又模仿吓啦,然後佢扮...M.J. =口=
有邊個唔識!!!!!!!!!!!
算,之後到提問環節,第一個提問...其實係要求,要求佢做一次hallelujah chance
全場叫瘋
第二個都係要求,要求握手,山P走咗落去同佢握,勁多人混水摸魚,順便福利埋附近d人 =v=
第三個係一個似提問的訴求,問山P幾時去大陸喎,條友講到就嚟喊咁
順帶一提頭3個都係講普通話的!!!
第四個終於係廣東話喇,但都係要求嚟,話明天生日想山P同佢講聲happy birthday
提問環節就咁喺冇提問之下完結
有個小插曲係山P發現有人手持佢的掃描畫象,於是走去拎上嚟show俾大家睇,以為係要送俾佢啦,點知個飯要求山P簽名,簽完當然自己要返啦 XD
(事後tangtang話下次我哋可以去尖咀搵人畫定然後呃個簽名XDDD)
觀眾提問完到佢問觀眾,問咗香港有咩特色嘢,有咩好食,同埋...而家流行d乜
前面d人一齊大叫「yama p~~~~~」
佢就指住自己笑住話「ME?」好好笑!! 係呀係你呀,呢個場限定囉 XD
mc完繼續唱歌,最有印象的是唱《TOMO》
我好鍾意呢隻歌,而佢表演呢首歌時又好正!!(←係d setting正)
首先係A.B.C-Z.表演殺陣(不好看的(←喂!)),之後山P戴住面具出嚟
重‧點‧係:::個面具kame 09年con表演1582同埋10年con上都有戴過!!!!
拿我唔係PK了,只係想起kame咋,我不萌PK的
唱唱吓全場熄哂燈玩激光,好靚!
首歌有句係「now can u say my name」然後「TOMO」
不過似乎冇乜人聽到前面嗰句,所以我都唔敢嗌 XD
《最後のラブ・ソング》係我成隻album的最愛
唱時螢幕播返佢歷年拍的日劇片段,distract咗我的注意力
唔記得邊首歌時螢幕影住觀眾們,有把寫住「山斗」的摺扇出現咗幾次!!
然後我發現呢把扇後面寫咗一個字：「脫」XDD
而拎住呢把扇嘅....係一個男人!!!
全場都有其他人拎住寫住「脫」的扇,亦都有「山斗」扇
坐我隔離個日飯把扇就寫住「肉体美」XDDDD 但佢冇show呢邊出嚟喎
假encore唱了《Loveless》同《青》
《Loveless》是全場大合唱~但佢冇跳舞,冇得睇佢用笑顔でsay goodbye XDD
唱《青》時飛簽名板,佢都算好手力,有塊差d上到去二樓,但撞到d玻璃跌返落嚟
可惜的是同昨日一樣只得假encore,冇真encore,最後個con唱咗2個鐘
講吓感想先~
首先聽到個idol係講daai gaa hou(大家好)而唔係da jia hao(大家好),講ngo oi nei dei(我愛你哋)而唔係wo ai ni men(我愛你們)真係好正!!!
呢d咪就係主場之利囉
其次係唔明點解d人一完場就起身走,嗌都唔嗌吓
如果香港人係咁冷淡咁愛惜光陰嘅,我真係唔希望KAT-TUN嚟開囉,encore好重要架!!
老老實實,講好睇一定唔夠KAT-TUN,絕對唔係因為我愛KT
而係con的娛樂性,情節性同編排都唔夠KT強,咁當然啦,佢一個人KT 5個人喎(←撞鬼剛才打咗個6字...待會罰自己睇新PV 70個7次)
不過呢,因為係solo con,所以我對眼唔駛追蹤唔同嘅人,睇起上嚟可以輕鬆d,集中d,哈哈
然後大家都好surprised點解我會無la la+靜雞雞走咗去睇山下智久個con
唔好話你哋,我自己都好surprised!!!
話說我都係昨日中午先決定去睇,搵飛搵人交收都係發生喺一瞬之間
所以呢次完全係一次無計劃,無預謀的突發性事件
真係好crazy呀呵?
沒有留言:
發佈留言