遲來的827 KT CON REPO

好久沒有更新了!!(自PIA)

早在去年,我便有計劃今年要到日本看KAT-TUN的LIVE!!
但在3月時他們竟然發表了海外TOUR的消息 *O*
嘛...去日本真的很貴,而且arena tour又跟考試和去field trip的時間相撞了
所以最後還是決定先到比較近(和旅費比較便宜)的台灣
於是就成就了8月尾的台灣看con行,留下了兩晚十分美好的回憶 =]

以下是第一晚的repo,以口語為主,個人認為這樣才夠傳神XD
第一晚的位置係紅2B 8排

十分接近主舞台!!但由於喺側面所以我都成日見到佢哋的側面 =v=

當佢哋繞場行時可以近距離見到!!!不過kame同埋阿丸都好少停留,或者係望後面特區d人,反而koki呀,junno呀就成日望住我哋!亦都因為咁,我覺得我有同junno對上眼!!XD 至於ueda...我知佢有停留過,但我嗰時好似望緊第二個人...

好,接下來是我記憶中27號場的repo
- 一入場發覺坐我左邊的都係自己一個嚟睇,仲係亀担,於是開場前就同佢傾咗幾句
不過開場後就冇同佢講過嘢,因為我太high,掛住睇同嗌,根本唔會同隔離嘅人交流
所‧以！自己一個去睇con真係完全冇問題的
- 一關燈全場就企哂起身,kis-my-ft 2出嚟講嘢,然後KAT-TUN就破牆而出唱《FALL DOWN》
阿丸企嘅位置最近我,於是我留意到佢踢d留咗喺移動舞台嘅假磚落去俾工作人員執
-《ONE DROP》時kame支mic突然冇聲,可以親眼見證咁珍貴的場面實在太難得!!(←啥?)
-《Love yourself》改咗赤西填的英文rap,變咗koki+阿丸面對面rap+beat box
老老實實我覺得呢個版本好聽d,可唔可以收返呢個版本落cd?
- kame solo打鼓,話說個鼓喺舞台的左邊,超近我的位置
於是我可以唔望screen直接望住kame打鼓!!
當時心中的OS係:我終於可以親眼望到佢的豆乳首了(←喂!)
望住佢除衫,坐低,打鼓,發癲(?) haha 佢打得太激烈,個胸...「嗶-----」←要消音處理XDD
全場跟住佢打的節拍「嘿!嘿!嘿!」咁嗌,好high!!
- koki solo《make you wet -chapter 2-》
album剛出時我已經好鍾意呢首歌,之前有睇到repo話koki今次的solo好エロ
我覺得ok啦,都係跳吓舞呀,chok/扭吓腰呀,拉吓褲鏈呀,食吓波板糖咁啫
其實台灣場已經冇日本咁放,日本的arena tour時好似話有床同有女人添!!!(←wow!)
- junno solo《love music》
呢首又係我好鍾意的一首歌,一直等聽junno live rap但竟然冇rap!!!有d失望
跳舞好好睇!!不過佢喺back stage唱,我只可以好遙遠咁望住佢嘅背影(←位置太前的悲哀)
唱完junno仲有講咗句台語,令到一班台妹十分高興
- 和風環節,koki打太鼓,ueda同kame飛天,junno同阿丸做高難度動作
ueda真係只能用美若天仙去形容!!!成個仙女咁!!

kame企喺把大扇上面不斷翻跟斗呀,轉嚟轉去咁
佢好似翻咗十幾個跟斗,搞到我以為自己睇緊《DREAM BOYS》
不過我覺得呢段太長喇,其實可以短d(←請不要懷疑,我是亀担!)

- 阿丸solo medley
第一首歌《understandable》從back stage返main stage,全員身後伴舞
- screen連播kame的lamdash cm(←由於有出浴鏡頭所以全場high翻 XD),KAT-TUN デコともDX cm同PV剪輯(赤西的畫面全部被cut)
-《RECUSE》赤西的部分大多交咗俾阿丸唱,唱完一句即刻要beat box,好忙XD
solo dance時ueda超近我呢邊,親眼見證廣播體操流的舞技(←喂!)講笑啫,跳得幾好呀
-《LIPS》某位只得三稅半的小盤友特登走去俾乾冰噴 =v=(←特登打錯字的)
- MC
剛開始kame突然「入口!出口!」全場「田口!!」田口:「成了世界的共通語呢~」
kame話大家通常叫佢kame或者kazuya,但有飯好大聲咁叫「kamenashi!!!!」
由於喺日本只有J家高層先會咁叫佢,所以佢嚇咗一跳XD
koki剛才唱歌時亦有被熱情的飯打咗一腳 XDD
翻譯講嘢時鏡頭take住kame,佢不斷夾口形擺怪表情扮係佢自己翻譯,全場當然大笑
koki冇留意screen,好奇怪我哋點解咁開心
kame不斷叫「小寶貝~小籠包~我愛你們~」之類的,一叫「小寶貝」全場就瘋了XDD
之後問翻譯「你愛我嗎?」點講,全場回應「愛~~~」
然後又係不斷的「你愛我嗎?我愛你們!」同埋以no more pain的音調講「小寶貝」
kis-my-ft 2出場後就冇咁好笑了←其實是偏心XD
- kis-my-ft 2唱《FIRE BEAT》時KAT-TUN有出嚟跳舞+唱,搖頭超カッコイイ
-《FARAWAY》,《RIGHT NOW》阿丸戴黑框眼鏡登場!!!超‧靚‧仔!!!!


- 唱了《ONE ON ONE》koki +阿丸的ONE ONE ONE!!
好鍾意好鍾意好鍾意呢首歌,能夠聽到live好激動XD
screen上播的是06至09年live的片段
- ueda solo,首先係彈琴,之前舞台劇romeo and juliet嗰首歌(09 con有彈)
再一次,可以live聽到ueda彈琴真係幾生修到!!!(←也太誇張)
solo唱的是《rabbit or wolf?》,終於睇到個動畫,畫風超可愛
ueda一路唱一路fing頭,心裡的OS係:好靚呀!好靚呀!
唱到一半ueda就從移動舞檯跳落main stage,報紙話有3米左右喎
佢一跳全場嘩然!我當時都心諗:小心呀!!!
- kame solo《絆》+《lost my way》
kame一嚟就「pen」←我當場傻眼,pen??要筆嚟做乜?
隨後《絆》的前奏響起我先意識到佢要講「絆」 vov
中途全場有一齊唱,kame就停咗唔唱聽大家唱 *v*
臨轉去《lost my way》前kame有再講一聲「pen」=v=
《lost my way》就係令好多亀飯神魂顛倒的吸血鬼
不過我真係唔覺有咩特別,亦都冇話好恨睇(←請不要懷疑,我真的是亀担!!)
- 牙醫環節←牙醫丸要幫吸血亀剝走隻虎牙
吸血亀又秀中文,突然「哎呀~」←全場跟住「哎呀~」XD
牙醫丸話吸血亀喺診所入面太嘈,於是吸血亀想道歉
想講「對不起」但唔識,飯教佢又聽唔到,唯有用英文講「i am sorry! very very sorry!」
牙醫丸剝牙時三歲半小朋友又唔安守半份喇~
突然指住牙醫丸「YOU!小籠包!小寶貝!」←意味不明XDDDDD 然後就退場了
- 阿丸beat box,超厲害!!!有加「小籠包」入去XD
beat beat吓嘟起個咀好似想索吻咁超可愛!!!全場當然又尖叫啦~
臨完前仲拎開個mic大叫「小籠包!」←究竟你有多愛吃? XDD
-《GOING!》只有4個人出現,我開頭以為係阿丸未換完衫
點知睇真d,咦阿丸喺喥喎!竜也呢???
呢首歌冇乜心機聽,一方面心掛掛唔知竜也去咗邊(←其實都估到d),一方面諗:竟然連5人con都睇唔成變4人con??(←喂 XD)
不過要一齊唱一齊嗌的地方我還是有唱到有嗌到的 XD
-《僕らの街で》
27號的應援活動係舉寫住「KAT-TUNのファンで幸せ」(作為KAT-TUN的飯很幸福)的紙
由於場外一早就有好多人派呢d紙,所以全場應該個個都有
kame見到後「僕たちも幸せだよ♥」 (我們也很幸福啊♥)全場「kya~~~~~~」
- 致詞時kame終於交代ueda去咗邊,原來真係剛才跳落main stage時整親
之後佢同koki不斷叫大家唔駛擔心,聽日ueda一定會出現之類
- 第一encore時《SMILE》後段轉中文詞,全場大合唱
要知道,我真係超鍾意呢首歌!!知道佢哋con會唱時已經超開心
估唔到佢哋會揀呢首歌去轉中文詞,而且歌詞好感動
「逐漸變換的季節裡　不曾改變的心情
漸漸染上屬於我們的顏色　此刻是最珍貴的寶物
能夠和妳在這裡相遇　能夠與妳歡笑在一起
無論多少時光慢慢的過去　我都不會忘記」
最後定番全場一起lalala ♬ 由特區,二樓,三樓,再一齊la
- 從back stage返main stage時,kame突然跳落特區,問飯借咗ueda把扇
回到main stage,KAT-TUN要全場飯手牽手
KAT-TUN:「WE ARE...」飯:「 KAT-TUN!!」
之後kame用把扇遮住塊面扮ueda講嘢 XD (←有講我愛你啊~)
臨入後台前kame大叫「i love you taiwan」koki用中文「我愛大家」
- 全場邊拍手邊叫「KAT-TUN」,「encore」,「もう一回」喚來第二encore
koki「one more?」飯「YES!!」
kame「really?」飯「YES!!」
kame「true really?」←甚麼破英文XDDD(←我真的是亀担!!!) 飯「YES!!」
於是二安是「GOING!」

第一晚大約唱咗3個鐘

這是從蛋頂飄下來的愛心~滿天飛好難拎!我係臨走前見到地下有張先拎到 XD

今晚其實真係冇乜見到ueda,佢未受傷前無乜點望佢,MC時佢又冇出過一粒聲(不過我有見到佢好乖咁拎返籃嘢飲入後台*v*),受傷後想望都冇得望添啦 =v=
至於kame問飯借咗嗰把ueda扇,後來真係有還返俾佢喎~
扇上面仲有ueda以外四人的簽名添~真貼心*v*
點解唔嚟拎我把扇呀??←因為你冇ueda扇!!

睇con真係體力活,走時好肚餓!!
難忘的第一天晚上☆